Објавена е листата на најпуштани песни на глобалната Billboard листа за 2023 година.
На тронот е песната „Flowers“ на американската пејачка Мајли Сајрус. Доби пофалби од музичките критичари и постигна огромен комерцијален успех. Меѓу другото, овој сингл помина осум недели на врвот на топ 100 листата на Billboard во САД.
Сајрус ја искористи песната „Flowers“ за да го опише нејзиниот развод со актерот Лиам Хемсворт, со кој беше во брак помалку од една година. Тие стапија во врска кога таа имаше 16 години, а во неколку наврати раскинуваа.
Следен на листата на Billboard за најпуштани песни во 2023 година е ремиксот „Calm Down“ на нигерискиот рапер Рема и Селена Гомес. Се смета и за еден од најуспешните синглови на сите времиња кога станува збор за жанрот афробитс.
Музичарката Аманда Ибањес беше поканета да напише стихови за Селена Гомес, што таа и го направи. По неколку часа добила одговор од пејачката дека ѝ се допаѓаат и дека се согласила на соработка со споменатиот нигериски рапер. Но, никој од нив не очекуваше толкав успех.
Песните што се најдоа зад „Calm Down“ можете да ги видите на листата:
Инаку, Billboard е еден од најстарите музички списанија во светот. Првото издание беше објавено на 1 ноември 1894 година. Рангирањето на песните се заснова на бројот на дигитални преземања, пуштања на радио канали и интернет стриминг. Податоците што ги користи Billboard се главно засновани на системот Nielsen SoundScan, кој Billboard го користи од 1991 година.
