Научниците успеаја да направат нови снимки од црната дупка M87 и да ја измерат јачината на нејзиното магнетско поле.
Со помош на телескопи низ светот, здружени за да снимат досега невидени слики од супермасивната црна дупка M87, во момент кога таа во вселената скоро со брзина на светлината исфрла веќе проголтан материјал.
Станува збор за истата црна дупка снимена во 2019 година. Сега научниците додадоа податоци од други телескопи кои го снимиле тој феномен на различни бранови должини и затоа се откриени различни карактеристики на црната дупка, пишува Science Alert.
Инаку, M87 е активна црна дупка оддалечена околу 55 милиони светлосни години, а која се храни со материјал од прашина и гас кои ја опкружуваат. Направена е снимка на која црната дупка исфрла материјал со брзина на светлината, а млазот од фотографиите се протега околу 5000 светлосни години во вселената.
Резултатите од истражувањето се објавени во The Astrophysical Journal Letters.
