Microsoft цврсто го држи пазарот во свои раце кога станува збор за оперативните системи, а за тоа не е заслужен само Windows 10.
Според истражувањето на NetMarketShare, Windows 10 се наоѓа на нешто повеќе од 61% од сите компјутери поврзани на интернет. Сепак, постои уште една интересна работа што може да ја видиме во резултатите од ова истражување - многу луѓе сè уште не се подготвени да го напуштат Windows 7.
Windows 7 има удел на пазарот од 22,7%, што изненадува по малку, бидејќи од 14 јануари е во фаза End of Life.
Ова значи дека Microsoft повеќе не испраќа поддршка за оперативниот систем Windows 7, што вклучува безбедносни ажурирања, а корисниците се известени како можат да преминат на Windows 10 доколку сакаат.
Сепак, се чини дека Windows 7 на многумина им „срасна за срце“. Дали сте меѓу нив или, пак, одлучивте да го смените оперативниот систем?