Во текот на ноќта во НБА се одиграа само два натпревара и во двата славеа гостите.
Кошаркарите на Денвер беа поразени на домашен терен од Голден Стејт Вориорс со резултат 113:102, а кај Нагетс повторно брилираше Никола Јокиќ.
Српскиот центар за една асистенција не стигна до нов трипл-дабл. Натпреварот го заврши со 23 поени, 12 скока и 9 асистенции, но ниту тоа не беше доволно за победа на неговиот тим.
Главен „виновник“ за ова беше одличниот Стеф Кари кој постигна 34 поени со 9 скока.
Филаделфија го пречека Бруклин во меч кој требаше да биде неизвесен, но на крајот гостите славеа рутински со резултат 129:100.
Кевин Дурент постигна 25, Сет Кари 24, а Кајри Ирвинг 22 во победничкиот тим.
Од друга страна, Џоел Ембиид постигна 27 поени, додека Џејмс Харден се посрамоти во првиот дуел против поранешните соиграчи, кој постигна само 11 поени со очаен шут од игра 3/17.