Луксузната вила на египетската фудбалска ѕвезда била ограбена изминатиов викенд, соопшти египетската полиција.
Двајца полицајци за Associated press изјавија дека провалниците од луксузната вила ги украле само приемниците за кабелска телевизија. Вилата на Мохамед Салах се наоѓа на околу 50 километри источно од центарот на Каиро.
Боца со плин во дворот на вилатана ѕвездата на Ливерпул се покажала претешка за крадците да можат да ја украдат, соопштија официјални лица. Двајцата функционери зборувале под услов да останат анонимни бидејќи немале овластување да зборуваат со медиумите.
Полицијата била повикана откако близок член на семејството во саботата вечерта забележал дека прозорецот е отворен. Истрагата за грабежот е во тек и сѐ уште нема уапсени.
Салах беше првиот Египќанец кој ја освои англиската Премиер лига откако се пресели од Рома во Ливерпул во 2018 година. Тој е и најдобриот стрелец на Ливерпул на сите времиња во Премиер лигата (од 1992 кога првенството на Англија се ребрендираше).
