Невремето на брегот на Калифорнија донесе огромни бранови, кои предизвикаа проблеми во крајбрежните области, вклучително и поплави и затворање патишта.
Како што јавува CNN, речиси 20 луѓе синоќа биле однесени од еден од овие непредвидливи површински бранови, кои во САД се нарекуваат бранови чудовишта (monster waves) или бранови убијци (killer waves).
Станува збор за невообичаено високи бранови, кои се појавуваат сосема ненадејно и се особено опасни за бродовите и изолираните структури на брегот, како што се светилниците.
Бранот што вчераутро ја погоди областа Пиерпонт во градот Вентура, Калифорнија, во 11 часот, резултираше со транспорт на најмалку 8 лица во болница, меѓу кои и еден со скршен зглоб, објавија локалните медиуми.