Научници од Универзитетот во Бристол сакаа да го тестираат кучето-робот Spot во услови на закана од радијација.
Четириножната машина прошета во подрачјето околу некогашната нуклеарна електрана во Чернобил, а потоа и во зоната на Реактор 4, уништен во хаваријата во 1986 година.
Spot беше опремен со уред за мерење радијација, додека научниците ги набљудуваа бројките. Тие објаснија дека ова искуство ќе помогне во понатамошен развој на роботизирани платформи за нуклеарната индустрија.
Spot, кучето-робот на американската компанија Boston Dynamics, успешно ја изврши можеби најтешката задача досега во неговата кариера.
