Критичарите и публиката предвидуваа дека Oppenheimer ќе ја помести конкуренцијата на Оскарите.
Сè уште може да го направи тоа, но сега остана без номинација во една од најважните категории - онаа за најдобри визуелни ефекти.
20 филмови ќе влезат во следниот круг на гласање, по што ќе останат десет. Тие ќе бидат објавени на 21 декември, а на почетокот на следната година ќе започне финалното гласање кое ќе ги открие петте номинирани кои ќе се соочат на Оскарите.
Variety откри дека меѓу 20-те финалисти биле Barbie, Poor Things, Rebel Moon: Part One – A Child of Fire и Spider-Man: Across the Spider-Verse.
Академијата за филмска уметност и наука одбила да ја сподели целосната листа со 20-те филмови.
„Визуелните ефекти во Oppenheimer беа толку добри што Академијата мислеше дека не постојат и затоа не се најдоа на листата. Indiana Jones е 5-ти на листата пред Oppenheimer. Тоа е смешно“, „ Oppenheimer не е ставен на листата на најдобри визуелни ефекти, тоа е неверојатно глупаво“, се само дел од коментарите на фановите на платформата X.
