Филмот Oppenheimer, чија премиера беше на 21 јули, според официјалните проценки на Universal Pictures досега има заработено повеќе од 552 милиони долари ширум светот, што го прави филм за Втората светска војна со најголема заработка досега. На второ и трето место се филмовите Dunkirk и Saving Private Ryan.
Од Universal Pictures истакнуваат дека ова е филм со најголема заработка на годината со оцена „Р“, што значи дека луѓето помлади од 17 години не треба да го гледаат. Исто така е филм со универзална оцена што најбрзо достигнал граница од 200 милиони долари во САД.
CNN објави дека филмот е еден од само четирите биографски филмови кои заработиле повеќе од половина милијарда долари на глобално ниво. Само биографските филмови Bohemian Rhapsody, Passion of the Christ и American Sniper имаат заработено повеќе од половина милијарда долари.
Долгоочекуваниот филм на режисерот Кристофер Нолан е базиран на романот American Prometheus од 2005 година на Каи Бирд и Мартин Џеј Шервин. Филмот го следи вистинскиот физичар Џулиус Роберт Опенхајмер додека работи на развивање на првата атомска бомба.
Главната улога ја толкува актерот Килијан Марфи, а покрај него во филмот глумат Мет Дејмон, Лесли Гроувс Џуниор, Роберт Дауни Џуниор, Емили Блант, Флоренс Пју и Бени Сафди.