Леталото Orion на американската вселенска агенција НАСА изврши успешен лет над површината на Месечината.
Станува збор за мисијата Artemis 1, чија цел беше Orion да изврши лет над површината, на висина од 130 километри. Откако мисијата е извршена следи враќање на Земјата.
Контактот со леталото е прекинат 34 минути во текот на овој маневар, а потоа сигналот е воспоставен и испратена е фотографија на Земјата.
НАСА соопшти дека мисијата Artemis 1 ги надмина нивните очекувања. Во оваа мисија немаше астронаути, во леталото беа сместени три кукли опремени со илјадници сензори. Задачата на овие сензори беше да соберат податоци со чија анализа ќе се утврди дали опкружувањето ќе биде поволно за човек.
Станува збор за различни сензори како оние за радијација и за движење. Ако сè оди според планот, во следната мисија Artemis 2 ќе полетаат астронаути на Mесечинаta. Мисијата Artemis 3 подразбира слетување на првата жена на Месечината.