Јапонската тенисерка Наоми Осака изгуби од Русинката Вероника Кудерметова со резултат од 2 : 0 во сетови во меч на Индијан Велс. Еден од моментите кои се издвојуваат е што во првиот сет Осака се расплака по навреда упатена од трибините и побара микрофон да се обрати на публиката.
Американските медиуми пишуваат дека од трибините се слушнале навреди, по што тенисерката се расплака и целосно го изгуби фокусот од мечот.
Меѓу третиот и четвртиот гем побара микрофон од судијата за да се обрати на публиката. Иако вети дека ќе биде пристојна и само ќе го каже тоа што го мисли, на крајот не доби дозвола и почна да плаче.
Дел од гледачите во публиката побараа провокаторот да биде исфрлен од трибините, но со оглед на тоа дека не се знаеше од кого беа изговорени навредите, беше ветено дека доколку се случи тоа уште еднаш ќе биде отстранет.
Во првиот сет Русинката славеше со 6 : 0 во гемови, а до победа дојде благодарение на резултатот од 6 : 4 во вториот сет, со вкупно 2 : 0.