Актерот Дени Мастерсон е префрлен во калифорниски затвор со максимално обезбедување.
Откако на почетокот на јануари медиумите открија дека ѕвездата од серијата „That '70s Show“ (Луди 70-ти) следните три месеци ќе ги помине во државниот затвор „Коркоран“, тој конечно беше префрлен.
Тој е во привилегиран дел од затворот, каде одлежува заедно со најголемите криминалци, сериски убијци и силувачи.
Од полицијата известуваат дека актерот бил префрлен во затвор со најсилно обезбедување, каде престојуваат мажи. Медиумите посочуваат дека ова е затворот во кој своевремено ја отслужил казната познатиот сериски убиец, култен водач и криминалец Чарлс Менсон, кој беше уапсен во 1967 година.
Инаку, Мастерсон е осуден на 30 години до доживотен затвор за силување, а за условно ослободување може да поднесе барање во 2042 година.
Тој датум е во согласност со 20-те години колку што судијата Шарлејн Олмедо му ги даде на актерот при неговата пресуда во септември, пред да може да побара условна слобода. Датумот се заснова на тоа што Мастерсон останал надвор од проблеми додека бил во затвор.
Исто така, беше наведено дека адвокатите на Мастерсон планираат жалба. Но, казната за силување не е единствениот правен предизвик со кој се соочува актерот. Мастерсон, заедно со Скиентолошката црква, е обвинет во случајот за граѓанско вознемирување.
Интересно е што државниот затвор „Коркоран“ моментално има капацитет од приближно 3.700 затвореници, од кои 42 се осудени на смртна казна. Има и посебен простор за 47 затвореници за оние на кои им е потребна „специјална заштита од други затвореници“.
