Фестивалите Skopje sounds good и Skopje calling се откажани поради прогласувањето тридневна жалост по пожарот во Тетово во кој загинаа 14 лица.
„Би сакале да им изразиме најдлабоко сочувство на семејствата на починатите во оваа ужасна трагедија што се случи синоќа во Тетово. Сите што имаат купено влезници за овие настани, можат да направат рефундација на средствата во рок од наредните пет работни дена, почнувајќи од понеделник (13 септември) до петок (17 септември), соопшти Авалон продукција.
Фестивалот Skopje sounds good, како што посочуваат, требаше да се одржи денеска, а Skopje calling во петок и во сабота.
