Денеска во Финска е ден на жалост за жртвата на пукање во основното училиште во Вантаа кај Хелсинки, а полицијата соопшти дека осомниченото момче (12) се изјаснило за виновно за нападот.
Соопштено е дека се познати и мотивите на осомничениот, кој признал при сослушувањето, пренесува финскиот јавен сервис.
12-годишно момче почина на самото место од добиените повреди, а двете повредени девојчиња се во тешка состојба во болница.
Осомничениот 12-годишник, кој вчера уби еден ученик и рани две ученички, бил жртва на малтретирање во училиштето, јавува финскиот јавен сервис.
Според извештаите, мотивот за пукањето е директно поврзан со насилството што го претрпел на училиште.
Напаѓачот бил фатен во Силтамаки, предградие на Хелсинки, и не дал отпор при апсењето, соопшти претходно полицијата.
Престрелката се случила во училиштето „Вијертола“ во населбата Вантаа, во кое учат околу 800 ученици од I до IX одделение и каде што работат 90-ина вработени. Наставата во ова училиште продолжи и денеска.