Во текот на минатата деценија, најголем фактор за зголемениот ризик од развој на Алцхајмерова болест стана дебелината во средни години.
Во 2011 година, најистакнатиот фактор што доведува до зголемен ризик од развој на Алцхајмер беше физичката неактивност, а потоа депресијата и пушењето цигари.
Но, според скорешна анализа, дебелината се истакнува како најчеста причина за развој на оваа болест, пренесе Science Alert.
Денес, Алцхајмеровата болест е најчестиот облик на деменција. И покрај бројните истражувања, никој не знае како болеста почнува или се запира нејзиното прогресирање.
Истражувањата сугерираат дека најголемо влијание има генетиката, но и бројни фактори од околината можат да придонесат за болести, вклучително и лошата исхрана, високиот крвен притисок, депресијата, пушењето и инфекција на непцата.
Добрата вест е што со овие факти пациентите и докторите можат да управуваат за да го намалат ризикот од болеста. ш вест е дека влијанието на овие фактори постојано се менува и варира.
Во најновата анализа во САД, губењето на слухот е додаден како променлив фактор ризик за Алцхајмер, иако претходно не е земен во обѕир во процените.
Процентот на дебелина во средните години е двојно зголемен во САД од 2010 година. Студија од 2020 година има докази дека прекумерната телесна тежина може да го направи невралното ткиво ранливо на оштетување на мозокот или губење на клетки. Изгледа дека тие промени се случуваат и во делови на мозокот кои се тесно поврзани со сеќавањата.
Тоа не значи дека дебелината во средни години е директна причина за Алцхајмер, но сугерира дека одржувањето на здрава телесна тежина може да ги намали шансите за развој, барем до одредена мера.
Случаите со Алцхајмер поврзани со овие променливи ризик фактори биле почести меѓу мажите отколку кај жените.