Астрономите открија многу чудна егзопланета што може да ни помогне подобро да го разбереме универзумот.
Имено, научниците од Харвард и Смитсонијан забележале големо гасовито небесно тело на растојание од околу 575 светлосни години од Земјата и го нарекоа WASP-62b.
Оваа егзопланета се наоѓа во орбита каде една година трае 4,5 Земјини денови, а чудно е што нема облаци. Како што истакнуваат научниците, овој феномен, дека воопшто нема облаци, се јавува кај приближно 7% од егзопланетите.
Со помош на вселенскиот телескоп Хабл, астрономите можеа да препознаат траги на натриум, што не би било можно ако има облаци. Затоа, се претпоставува дека нив воопшто ги нема на WASP-62b.
Тимот што ја анализираше планетата се надева дека лансирањето на вселенскиот телескоп Џејмс Веб ќе обезбеди дополнителни методи за проучување, односно дека, со малку среќа, ќе можат да најдат траги од силициум, што потоа би посочило како овие планети се формираат и зошто се разликуваат од оние со облаци.
