Падна нов договор за цената на руската нафта

Земјите од Г7 и Австралија вчера соопштија дека се договориле за ограничување на цената на руската нафта од 60 долари за барел, откако членките на Европската унија го надминаа отпорот од Полска и постигнаа политички договор претходно во текот на денот.

Унијата се согласи за таа цена откако Полска, која даваше отпор, исто така одлучи да го поддржи договорот, отворајќи го патот за официјално одобрување во текот на викендот.

Г7 и Австралија во соопштението рекоа дека ограничувањето на цената ќе стапи на сила на 5 декември, кога стапува на сила и европското ембарго за руската нафта, или многу брзо потоа.

„Коалицијата за ограничувања на цените, исто така, може да разгледа понатамошни активности за да обезбеди ефективност на ограничувањата на цените“, се вели во соопштението.

Официјален документ се очекува денеска

Веднаш не беа дадени детали за тоа кои би можеле да бидат тие следни чекори. Официјален документ се очекува денеска.

Целта на ценовната граница, која е замисла на групата Г7, е да се намалат приходите на Русија од продажбата на нафта, а во исто време да се спречи растот на глобалните цени по стапувањето во сила на ембаргото на Европската Унија за увоз на руска нафта на 5 декември.

Варшава се спротивстави на предложената цена и размислуваше да ја задржи цената под нејзиното пазарно ниво. Во преговорите со ЕУ, Полска се залагаше цената да биде што е можно пониска со цел да се намали приходот на Русија и да се ограничи способноста на Москва да ја финансира војната во Украина.

Амбасадорот на Полска во ЕУ, Анджеј Садос, во петокот изјави за новинарите дека Полска ја дала својата поддршка за договорот, кој вклучува механизам за задржување на ценовната граница најмалку пет отсто под нивото на пазарот. Американските власти рекоа дека тоа е договор без преседан, што ја покажува решеноста на коалицијата да се спротивстави на војната на Русија.

„Тоа ќе ни помогне да ги стабилизираме цените на енергијата во светот“

Портпаролот на Чешка, која во моментов претседава со Советот на ЕУ и ги надгледува преговорите во рамките на Унијата, по согласноста на Полска изјави дека неговата земја го започнала писмениот процес, преку кој сите 27 земји-членки официјално ќе го одобрат договорот.

Претседателката на Европската комисија, Урсула фон дер Лајен, рече дека ограничувањето на цената значително ќе ги намали руските приходи.

„Тоа ќе ни помогне да ги стабилизираме цените на енергијата ширум светот, во корист на економиите во развој ширум светот“, напиша фон дер Лајен на Твитер, додавајќи дека ограничувањето ќе биде „прилагодливо со текот на времето“ за да одговара на развојот на пазарот.

Ограничувањето ќе им овозможи на земјите надвор од ЕУ да продолжат да увезуваат руска нафта во странство, но ќе им забрани на превозниците и осигурителните компании да ракуваат со руска нафта ширум светот, освен ако не се продава по цена под ограничувањето.

реклама

Бизнис

Паѓаат приходите на Starbucks, дали бојкотот успева?

Read more

Ја ограничија цената на руската нафта – не функционира!

Read more

Tesla и Apple помогнаа за растот на Волстрит

Read more

Зошто ЕУ сè уште купува руски гас?

Read more
 

Вести

Цената на осигурувањето од автоодговорност се враќа на ниво од пред 25 април

Читај повеќе

Сиљановска-Давкова до Пендаровски: Ќе дебатирам со празно столче, последната дебата е закажана за понеделник

Читај повеќе

Мицкоски: На СДСМ прогнозите не им излегоа како што тие замислуваа

Читај повеќе

Макрон: Не исклучувам испраќање војска во Украина

Читај повеќе

Тело на починат маж извадено од Вардар во Велес

Читај повеќе

Избрана е новата Влада на Србија

Читај повеќе

Бајден ги нарече Индија и Јапонија „ксенофобични земји“

Читај повеќе

Кривична против двајца штипјани, истепале полицаец

Читај повеќе

САД воведоа нови санкции кон Русија

Читај повеќе