Српската народна странка прогласи пробеда на парламентарните избори што се одржаа во Србија. На прес-конференција, Ана Брнабиќ информираше дека СНС има нешто помалку од 50% од гласовите.
„Според 50% преброени гласови, нашата листа, Србија не смее да запре, на примерок од 50% има 47,1% добиени гласови. Ќе имаме повеќе од 125 мандати во Собранието. Србија против насилство има 23% од гласовите“, рече Брнабиќ.
Што се однесува на Белград, Брнабиќ рече дека првите резултати допрва почнуваат да доаѓаат.
Место во парламентот има и за Ивица Дачиќ, кој според првичните резултати има 6,4% од гласовите.
Таа ја обвини опозицијата за кршење на изборниот молк, како и за пласирани лаги за неправилности во текот на изборниот ден.
И според резултатите што ги објави Државната изборна комисија на Србија, партијата на Вучиќ има апсолутно мнозинство на парламентарните избори, и освоила 47,24% од гласови врз основа на обработени 7.561 од 8.273 избирачки места.
Следи листата Србија против насилство која освоила 22,86% од гласовите, потоа Социјалистичката партија на Србија со 6,67%, додека на изборната листа на Надеж за Србија има 4,94%. Следна листа е Ние – гласот на народот – Бранимир Несторовиќ со 4,63%.
