Манчестер Сити го победи Лајпциг со 7:0 во реваншот од осминафиналето на Лигата на шампионите и на тој начин се пласираше на спектакуларен начин.
Ерлинг Холанд постигна пет гола, но во 63. минута тренерот Пеп Гвардиола реши да го извади од игра.
„Му реков дека ќе постигнам двоен хет-трик, но што можев да направам? Морав да го напуштам теренот“, изјави Норвежанецот за BT Sports по натпреварот.
Гвардиола рече дека го извадил за да не го собори рекордот.
„Ако го собореше рекордот сега, кога има 22 години, ќе му беше досадно до крајот на животот. Сега има цел за иднината. Затоа го заменив. Не знаев дека Меси го држи рекордот, дознав по натпреварот“, изјави Гвардиола во интервју за TV2.
Со овој подвиг Холанд стана само третиот играч кој постигнал дури пет гола на еден натпревар од Лигата на шампионите. Прв е Лионел Меси, кој постигна пет гола против Баер Леверкузен во 2012 година, а втор е Луис Адријано, кој како играч на Шахтјор постигна пет гола против Бата Борисов во 2014 година.
