Американската вселенска агенција НАСА соопшти дека роверот Perseverance за прв пат на Марс снимил звук од „песочен ѓавол.
Снимката освен што носи звук на вознемска бура, ќе им помогне на научниците подобро да разберат како прашината може да влијае на идните мисии на Марс.
Бурата е снимена на 27 септември 2021 година и иако за луѓето звучи како звук од ветер на Земјата, сепак научниците можат многу да научат од тоа.
„Додека песочниот ѓавол минуваше над Perseverance, можевме да го слушнеме индивидуалниот удар на честичките. Дури можевме и да ги преброиме“, вели научничката Наоми Мурдок, авторка на новиот извештај.
Прашината е значаен фактор во планирањето нови мисии на Марс бидејќи може да предизвика ерозија на топлотните штитови на леталото, да ги оштети научните експерименти, да ги онеспособи падобраните и да ги прекрие соларните панели.
Научниците проценуваат дека песочниот ѓавол, феномен што наликува на торнадо, бил широк 25 метри, висок 118 метри. Станува збор за релативно мала бура која не го оштетила роверот.
Perseverance направи и фотографии од бурата. Роверот снима звуци, но снимките траат помалку од три минути, тоа го прави осум пати месечно.
