Потоплото време го означи и доаѓањето на комарците. Затоа, не е лошо да знаете неколку начини како да се ослободите од нив во вашето секојдневие. Ако засадите некои од овие растенија, комарците ќе исчезнат од вашиот дом.
Одредени растенија ги одбиваат комарците поради нивниот карактеристичен мирис. Покрај тоа, многу од овие растенија не се само естетски, туку и корисни во секојдневниот живот. Некои од нив служат како зачин, а некои како лек.
Невенот се препознава по светлата боја, а има и пријатен мирис. Можете да го одгледувате во двор или да го чувате во саксии на балконот. Освен комарците, ги одбива и вошките, мушичките, црвите и разни бубачки штетници, па поради тоа често ги краси градините.
Нането е добар избор за одбивање на комарци, но и на муви и мравки. Нането можете да го одгледувате и во саксии и да го чувате на тераса, а може да се користи и кога ќе се исуши. Покрај тоа, одлично е како додаток на освежителни лимони и ледени чаеви.
Босилекот поради силниот мирис е сличен на нането и затоа одбива многу инсекти. Добро делува и како средство за заштита од муви. Она што се советува при одгледувањето на ова растение е да се одржува влажна почвата во која е засадено.
Рузмарин често го препорачуваат градинарите. Покрај комарците, неговиот мирис одбива и разни видови молци и муви кои напаѓаат овошје и зеленчук. Неговата предност е што успева во суви области, па може да преживее високи температури.
Лавандата содржи есенцијални масла во листовите, поради што многу инсекти ја избегнуваат. Затоа и не е чудно што пакувањата со кеси од лаванда се ставаат во плакарите, бидејќи на тој начин се бркаат молците. Ова растение бара многу сончева светлина и добра дренажа.
