Која е црвената линија меѓу љубовта и навиката? Ако сте во долга врска, веројатно се прашувате што ве држи во неа, љубовта или навиката?
„Моќта на навиката веројатно е најчестиот проблем со кој се соочуваат паровите“, вели Тес Бригам, советник за односи.
Многупати се случува да видиме и чувствуваме дека нешто не е во ред со врската, но одлучуваме да не си заминеме бидејќи размислуваме низ што се сме минале и доживеале досега.
Ако ги почувствувате овие пет знаци, можеби е најпаметно да одберете што побезболен начин за раскинување на врската.
Не станува збор за болна љубомора, туку за разиграна, пожелна љубомора која укажува дека не сакате да го изгубите партнерот. Ако видите чудни пораки на неговиот мобилен телефон или сфатите дека нешто се случува во неговиот живот и не се грижите за тоа, ниту ве интересира, тогаш сигурно работите се промениле во вашиот однос.
Дали сте отворени за флертување на социјалните мрежи, во канцеларија, кога излегувате со другарките, не размислувајќи дека сте во врска? Флертувањето не е лошо и е сосем нормално во одреден контекст, но кога се обидувате да одите чекор подалеку, кога провоцирате некој да разговара со вас или кога барате нешто друго, тогаш е навистина време да ги преиспитате вашите чувства.
Кога веќе немате апетит за секс или истиот е досаден и редок, тогаш ова е многу јасен знак дека љубовта и страста меѓу вас веќе ја нема. Се разбира, љубовта никогаш не е иста во почетокот и во текот на врската, но ако целосно се изгуби вашата сексуална хемија и желба за уживање, тоа значи нешто.
Не очекувате секој ден да ве опсипува со романтика, изненадување или подарок. Но доколку никогаш не сте расположени за романтична вечер со партнерот, веројатно сте западнале во рутина и заедно сте од навика.
Заедно сте, но повеќе сте активни на мобилен и разговарате со виртуелните пријатели или пак читате книга отколку што разговарате со партнерот? Нема прегратки, бакнежи па дури и расположение за разговор меѓу вас. Не ви треба посебно објаснување, сфаќате дека нешто не е во ред, нели?
Ако сте се препознале во ова, не мора да чувствувате вина затоа што врската е готова. Тоа е нормално во односите, бидејќи нашите емоции мора да еволуираат. Ако наместо да станат позначајни и поважни, тие се изгубат, прифатете го тоа и продолжете со животот.
