Патници на EasyJet на летот Рејкјавик-Манчестер имале ретка можност да видат спектакуларен феномен на небото, а сето тоа благодарение на пилотите кои решија да направат круг на половина пат од летот, сакајќи на сите патници да им приредат неверојатна глетка.
Платформата Flightradar24, која прикажува податоци за следење на авионите во реално време, објави интересна патека на летот на EasyJet.
Ја прикажува рутата од Исланд до Велика Британија преку Северното Море, околу половина од патувањето од два часа и 40 минути.
Наскоро станало очигледно дека необичниот пресврт бил направен за да може секој патник да ја види поларната светлина.
Некои патници кои имаа среќа да бидат на тој лет споделија фотографии од спектаклот што го виделе на социјалните мрежи.
Адам, патник од Велика Британија, им се заблагодарил на пилотите за убавиот гест.
„Голема благодарност до пилотот летот EZY1806 на EasyJet од Рејкјавик до Манчестер кој направи свртување од 360 степени за да им овозможи на сите патници да ја видат поларната светлина“, напиша Адам, додавајќи дека светлата во кабината на пилотот биле затемнети за патниците да уживаат во глетката уште повеќе.
Еден патник напишал дека неговата потрага по поларната светлина на Исланд завршила неуспешно, но дека EasyJet му ја исполниле желбата.
„Неверојатно“, напиша Јан Гудвин на Twitter.
