Одличен рецепт за пита совршена за појадок или вечера.
Потребни состојки:
- едно пакување готови кори за пита
- 500 г праз
- 1 морков
- 150 г ориз
- малку печурки, по избор
- сол, бибер
- 100 мл минерална вода
- 100 мл масло
Начин на подготовка:
Во тенџере ставете го измиениот ориз, посолете, додадете вода и гответе. Оризот не смее да биде преварен. Исцедете и оставете го настрана.
Во подлабоко тавче ставете неколку лажици масло. Празот исчистете го и измијте го, па исечете го на кругови и пржете на умерена температура. Кога малку ќе се испржи додадете еден изрендан морков и ако сакате исечкани печурки, па сето заедно испржете го.
Додадете сол и бибер по вкус, па добро измешајте. Потоа додадете го сварениот ориз и измешајте го со празот и морковот.
Ставете една кора, испрскајте ја со мешавина од кисела вода и масло, па ставете друга кора преку неа и неа попрскајте ја. Потоа филувајте и на крајот мотајте ја како ролна.
Повторете ја постапката додека не ги потрошите сите кори, редете ги ролните во плех обложен со мрсна хартија за печење. Печете во загреана рерна на 180 степени околу половина час или додека не порумени.