Нов Зеланд денеска соопшти дека армијата ќе ги надгледува карантинските објекти и ќе ги заостри граничните контроли, откако на две лица заразени со коронавирусот им било дозволено да се движат низ целата земја.
Нов Зеланд вчера го загуби статусот „земја без корона“, откако на две жени кои пристигнаа од Велика Британија им било дозволено да го напуштат карантинот да го напуштат карантинот за да го видат родителот кој бил на смртна постела при што им дозволиле да патуваат од Окланд до Велингтон со автомобил.
Премиерката на таа земја Џасинда Ардерн рече дека на заразените лица не требало да им се дозволи да заминат од карантин.
– Ова е неприфатлива грешка на системот. Ќе бараме да се спроведе не еден, туку два теста во овие објекти, без исклучок, рече Ардерн. Таа се договорила со помошникот министер за одбрана Дигби Веб да ги надгледува сите карантини и да раководи со објектите за изолација,вклучително и процесот на пуштање на луѓето од тие објекти.
Таа најави дека ќе се изврши ревизија за да се осигура дека се следат процесите и да се направат сите потребни промени за понатамошно зајакнување на граничните објекти.
Властите во Нов Зеланд започнаа со тестирање на сите оние кои претходно биле во контакт со тие две жени, а тоа ги вклучува и патниците во авионот, луѓето во хотелот во Окланд каде што биле сместени во карантин, членовите на нивните семејства со кои се сретнале во Велингтон.
Жените се сместени во изолација во Велингтон, а погребот на нивниот родител е откажан додека оздрават.
