Актерот со британско потекло Џон Махони, кој ќе остане запаметен по улогата на досетливиот Мартин Крејн во популарната ТВ серија „Frasier“, почина на 77 години.
Махони починал во неделата во домот за нега на стари лица во Чикаго каде бил сместен.
Тој имаше исклучителна кариера како драмски актер, има добиено награда Тони и долга листа на улоги во филм и ТВ.
Сепак, најзапаметен ќе остане по улогата на досетливиот и остар Мартин Крејн, таткото на Фрејжр и Најлс Крејн во серијата „Frasier“.
Махони има освоено награда од Здружението на филмски актери во 2000 година за оваа улога, а беше номиниран по два пати за Еми награда и за Златен глобус.
Голем дел од привлечноста и жарот во серијата „Frasier“ се должеа на односот меѓу приземјениот, реален пензиониран полицаец Мартин Крејн и неговите помпезни синови Фрејжр и Најлс, кои ги играа Келси Грамер и Дејвид Хајд Пирс.
Филмската заедница испрати последен поздрав до Махони.
Актерот Гери Синис, коосновач на Steppenwolf, рече: „поминавме толку многу прекрасни претстави низ годините, прекраен актер, никогаш нема да ја заборавам неговата изведба во ‘Orphans’ во 1985 година."
Кастинг директорот на „Frasier“ Џеф Гринберг го нарече „брилијантен актер“.
Пери Гилпин, која ја играше Роз Дојл во серијата, објави фотографија од Махони како пее на нејзината свадба.
