МВР соопшти дека е пронајдено тело на починато младо машко лице во близина на селото Дуброво, кај градската депонија Неготино.
Во близина на неготинското село Дуброво, кај градската депонија Неготино, синоќа околу 22 часот полициски службеници од Полициската станица за граничен надзор Михајлово, пронашле тело на починато машко лице, на возраст од 25 до 35 години, информираа денеска од СВР Велес.
Лекар од Итна медицинска помош констатирал смрт без видливи траги на насилство, а по наредба на јавен обвинител, телото било дадено на обдукција.
Бил извршен увид на лице место.
