Фестивалот на креативен документарен филм МакеДокс почна со програмата Зимски МакеДокс, со која онлајн се прикажуваат победниците на фестивалите на четири основачи на документарната мрежа Doc Around Europe.
Како нова иницијатива, програмата Зимски МакеДокс се лансира со цел да го зголеми интересот за онлајн гледање креативни документарни филмови.
Наградените документарни филмови на четири европски фестивали од мрежата Doc Around Europe може бесплатно да се гледаат 30 дена, на Gley.TV (https://gley.mk/) заклучно со 20 јануари 2023 година.
*Пристап до филмовите е возможен без активна претплата на платформата Глеј.
Достапни за онлајн гледање се документарните филмови:
„Ќерките на Зухур“ (2021 / 89’ / Германија) во режија на Лауренциа Генске и Робин Хумболт (победник на DOK.fest München)
„Господарките на шумата“ (2021 / 90’ / Франција) во режија на Клаус Дрексел (победник на FIPADOC)
„Тајната на доктор Гринбер“ (2020 / 91’ / Шпанија) во режија на Ида Куеља (победник на DocsBarcelona)
„Дида“ (2021 / 78’ / Швајцарија) во режија на Никола Илиќ и Корина Швингрубер Илиќ (победник на МакеДокс)
Основачи на мрежата на фестивали на документарни филмови Doc Around Europe се DOK.fest München (Германија), FIPADOC (Франција), DocsBarcelona (Шпанија) и МакеДокс (Северна Македонија), а годинава на мрежата се приклучи и фестивалот Verzió (Унгарија).