Научниците со помош на радарскиот систем MARSIS открија солени езера под површината на Марс.
Под површината на Црвената планета се наоѓаат најмалку четири езера чија вода најверојатно е со висока соленост.
Ова откритие е резултат на истражување од 2018 година фокусирано на водата на Марс, а во стручното списание Nature Astronomy објавен е текст во кој се потврдуваат претходните тврдења за постоење вода на планетата. Откритието е значајно бидејќи би можело да претставува доказ за можноста за живот на Марс.
Уште во 2018 година беше докажано дека има голема количина на вода на Марс, а сега е потврдено дека има три водни целини.
MARSIS ѝ припаѓа на Европската вселенска агенција, а користи радарски пулсирања. На тој начин беше возможно да се открие вода на Марс без да се спушта каква било опрема на површината на Црвената планета.
Откриено е дека водата под површината е солена, поради што не е замрзната како онаа на површината. Тимот научници што дојде до откритието го предводи Елена Петинели од универзитетот Roma Tre.
