Новото засилување на Јувентус е пред огромна дилема: Дали поради новата повреда да замине на операција и да го пропупшти Мундијалот во Катар, или да ризикува побрзо да заигра и да игра на светскиот собир.
Пол Погба се повреди за време на тренинг. Додека првичните информации велеа дека ќе отсуствува околу два месеца, сега стигнуваат полоши вести - дека веројатно ќе мора да го оперира менискусот, а поради тоа да отсуствува до почетокот на 2023 година. Тоа значи дека операцијата ќе направи да не игра на Мундијалот во Катар, што е голем удар за секој фудбалер.
Сенегалскиот Французин пред себе има тешка одлука. Да се оперира за долгорочно да го реши проблемот со повредата, или да направи полесно опоравување и да игра во Катар, но под ризик повредата да ја обнови и да си ја влоши состојбата.
Доколку дополнителните медицински испитувања потврдат дека повредата бара операција, Погба ќе биде принуден да донесе тешка одлука. Од клубот го советуваат да се одлучи за побезбедната опоција, односно операција, но желбата на играчот да ја брани титулата со Франција освоена во 2018 во Русија е она што го става во дилема.
