Пристигна првиот тизер за шестиот дел од хорор франшизата „Scream“.
По новите убиства на Ghostface, четворицата преживеани го напуштаат Вудсборо и започнуваат ново поглавје.
Мелиса Барера, Џезмин Савој Браун, Мејсон Гудинг, Џена Ортега, Хајден Панетиер и Кортни Кокс ги репризираат нивните улоги во шестиот дел заедно со Џек Чемпион, Хенри Черни, Лиана Либерато, Дермот Малрони, Девин Некода, Тони Револори и Џош Сегара и Самара Вивинг.
Scream 6 ќе има кинопремиера во САД на 10 март, 2023 година.
Обожавателите се возбудени поради новото продолжение, а Collider пишува дека многу фанови го пребаруваат интернетот за можни заплети, приказни на ликовите и интересни моменти кои може да ги очекуваат во шестото продолжение.
Повторно ќе ја видиме Тара Карпентер, која ја игра Џена Ортега. 20-годишната актерка многумина сега ја знаат по нејзината улога во популарната серија „Wednesday“ на Netflix која се фокусира на најмладата ќерка од семејството Адамс.
