Конечно имаме шанса да ѕирнеме во претстојната видеоигра со Индијана Џонс што ја развива шведската MachineGames под креативната визија на Тод Хауард.
Видеоиграта ќе се вика Indiana Jones and the Great Circle, а ќе се игра од перспектива на прво лице.
Тоа ќе биде авантура која ќе ги комбинира класичните функции на серијалот Indiana Jones - истражување на гробници, прикрадување и по потреба камшикување нацисти. Иако поголемиот дел од дејството ќе се гледа од прво лице, некои делови, како што е искачувањето, ќе се изведуваат со префрлена камера на трето лице.
Индијана Џонс во оваа игра ќе изгледа како во филмовите, но ќе звучи поинаку бидејќи ќе го игра познатиот актер Трој Бејкер.
Играта ќе ја следи оригиналната приказна сместена помеѓу филмовите „Raiders of the Lost Ark“ и „The Last Crusade“. Годината е 1937 година, а главниот лик ќе патува од Ватикан, преку Египет до Хималаите, со цел да ги спречи нацистите да ја добијат древната моќ на големиот круг.
Indiana Jones and the Great Circle е во развој за компјутер и Xbox Series X/S, а треба да излезе во 2024 година.