Рекордерот по бројот на настапи за репрезентацијата на Ел Салвадор, Дарвин Серен, синоќа бил уапсен по натпреварот на неговиот тим.
Серен настапува за тимот на Агила, кој е национален шампион. Овој 34-годишен дефанзивебн играч од средниот ред е апсолутна фудбалска икона во оваа средноамериакнска земја. Но, по натпреварот против Метапан и ремито 0:0 на домашен терен, во соблекувалната го пречекала полиција.
Како што беше соопштено, Серен бил уапсен бидејќи е осомничен за сексуални злосторства, а апсењето е извршено по наредба на Јавниот обвинител на Република Ел Салвадор.
„Го уапсивме Дарвин Серен за кривично дело второ сексуално насилство врз жена“, се вели во соопштението на полицијата. Инаку, Серен е оженет со Делиа, со која има четири деца.
Серен е апсолутна фудбалска икона во Ел Салвадор, каде го држи рекордот по бројот на настапи за националниот тим со дури 88 натпревари, а долго време настапуваше и во американската МЛС.
Таму забележа 118 настапи за Хјустон Дајнамо, а играше и за Орландо Сити и Сан Хозе 'Ртквејкс.
Од 2013 Серен играше за Ел Салвадор на 5 последователни континентални собири на Северна Америка, односно популарниот Голд куп, и тоа 2013, 2015, 2017, 2019 и 2021). Последниот настап за репрезентацијата му е во 2022 година.
