На барање на унгарскиот тим е одложен натпреварот од 3. коло во Групата А од Лигата на шампионите помеѓу ПИК Сегед и Вардар 1961 кој требаше да се игра в четврток.
ПИК Сегед се соочува со голем кластер на позитивни ракометари на COVID-19 поради што побара од ЕХФ одложување на натпреварот. Здравствените протоколи во Унгарија налагаат тимот да замине во карантин кој ќе трае најмалку една недела, а можеби и подолго.
Ова е втор натпревар и за ПИК Сегед и за Вардар кој е одложен поради коронавирусот. Минатата недела Вардар требаше да биде домаќин на Елверум, но Норвежаните побараа одложување со цел да се избегне влегување во карантин по пристигнувањето дома бидејќи ќе се вратеа од Македонија, земја кога според норвешките власти е од висок ризик.
