Поради фотографирање на ризични места во светот е регистриран 31 несреќен случај со смртен исход во првите седум месеци од оваа година.
Една личност неделно го изгубила животот поради селфи фотографија, е наведено во студијата на фондација специјализирана за тропска и патничка медицина.
Фотографирањето на ризични места ширум светот во периодот од јануари 2008 година до јули минатата година однело најмалку 379 животи, пренесе шпанскиот весник Pais.
Поради селфи фотографии во просек страда по еден човек на секои 13 дена, се наведува во студија на Фондацијата iO, специјализирана за тропска и патничка медицина,
По кратка пауза поради пандемијата овој тренд засилено повторно се појави во првите седум месеци оваа година. Од починатите, 141 биле туристи и 238 локални жители.
Најмногу починати се регистрирани во Индија (100), САД (39) и Русија (33), додека Шпанија со 15 починати го дели шестото место со Австралија.
Авторите идентификувале и десет места во светот со најмногу починати. Без некако редослед, станува збор за Нијагарини Водопади, Големиот Кањон, плажата Пења во Бразил, водопадот Мланго во Кенија, Уралски Планини во Русија, Таџ Махал во Индија и други места.