Од денеска па сѐ до наредниот понеделник жителите на Општина Центар во Скопје ќе имаат можност бесплатно да се ослободат од кабастиот отпад.
На пет локации ширум Општината екипите на Јавното претпријатие „Комунална хигиена“ - Скопје поставија големи садови за одложување на кабаст отпад.
Садовите се поставениве на следниве локации:
- паркинг на ПОЦ во населба пролет, зад Веро Џамбо;
- ул. „Питу Гули“, кај Тинекс маркет (населба Водно);
- пред влезот на ОУ „Ј.Х. Песталоци“;
- кај кружниот тек во Дебар Маало;
- кај Билна аптека.
Насобраниот кабаст отпад ќе биде подигнат и транспортиран од екипите на ЈП „Комунална хигиена“ - Скопје.
Ова е одлична шанса на жителите да ги испразнат подрумите од непотребните големи предмети.
Акцијата е дел од пролетно генерално чистење на Општина Центар.