Потпечениот модар патлиџан полнет со мелено месо и посипан со кашкавал може да се сервира за ручек, вечера или кога ќе ви дојдат пријатели.
Модриот патлиџан е зеленчук со силен вкус и не секој сака да го јаде. Но, ако го подготвите на вистински начин, сигурно ќе им се допадне и на најпребирливите. Ви го пренесуваме совршениот рецепт за модар патлиџан печен со мелено месо и кашкавал. Подготовката е едноставна и не бара многу време, а вкусот е фантастичен.
Потребни состојки:
- 3 модри патлиџани
- 300 гр мелено месо
- 250 гр кашкавал
- 60 гр пармезан
за модрите патлиџани:
- 40 мл маслиново масло
- 1 лажичка сол
- 1 лажичка блага пипер
- 1 лажичка оригано
- 1 лажичка лук во прав
- малку бибер
за месото:
- 1 кромид
- 1 црвена пиперка
- 1 зелена пиперка
- 2 чешниња лук
- 2 лажички сол
- 2 лажички блага пипер
- ½ лажичка мелен коријандер
- ½ лажичка мелен ким
- малку бибер
- 1 конзерва сечкан пелат
Подготовка:
Модриот патлиџан исечете го на кришки, па наредете ги на плех обложен со хартија за печење. Во сад измешајте маслиново масло, сол, бибер, блага пипер, оригано, лук во прав и измешајте. Со добиената смеса премачкајте ја секоја кришка модар патлиџан. Печете во загреана рерна на 160°C околу 20 минути.
Во тавче на малку масло пропржете го ситно сечканиот кромид, а кога ќе омекне додадете го меленото месо. Кога месото малку ќе се испржи, додадете сол, бибер, посипете со блага пипер, коријандер и ким. Промешајте. Потоа додадете ги сечканите пиперки и пржете додека сѐ не биде готово. На крај додадете мелено лукче и пелат, измешајте и оставете да се крчка уште 10 минути.
Извадете ги кришките модар патлиџан од рерна и прелијте ги со филот од месо, па посипете со рендан кашкавал. Покријте со друго парче модар патлиџан, повторно прелијте филот и посипете со рендан кашкавал. Направете го тоа додека не ги потрошите состојките. На крај над сѐ изрендајте пармезан. Вратете во рерна и печете уште 15 минути.
