Без најдобрите две фудбалерки македонската женска сениорска реорезентација ќе мора да му се спротивстави на гигантот Франција.
Селекторот Кирил Изов повика 20 фудбалерки за претстојниот квалификациски натпревар за пласман ЕУРО. На 22 септември Македонија ќе ја пречека Франција која е и фаворит во групата.
За жал, нашата репрезентација ќе биде драстично ослабена бидејќи поради повреда нема да игра најдобрата фудбалерка Наташа Андонова, како и Гентјана Рочи кој мора да одлежи суспензија поради жолти картони. Но, тоа не е сѐ. Поради рестрикции за патувања не можат да допатуваат Романа Трајковска и Маја Ангеловска, а поради повреда недостасува и Маријана Нацева.
„Имаме навистина големи проблеми со играчкиот кадар за овој натпревар. Покрај отсуството на Андонова и Рочи, не можеме да сметаме ниту на Трајковска и Ангеловска. Поради здравствената ситуација предизвикана од COVID-19, двете не можат да допатуваат од Швајцарија и Словенија. Нацева има скршеница на рамото и исто така е надвор од составот. Франција е апсолутен фаворит. Ние ќе се обидеме достојно да се спротивставиме и покрај отсуството на неколку важни фудбалерки“, вели селекторот.
Голманки:
Викторија Панчурова - Тиверија
Магдалена Лекоска - Истатов
Верица Колевска - Деспина
Одбрана:
Ане Бошеска - Тиверија
Јулија Живиќ - Љуботен
Христина Јошевска - Саса
Павлинка Николовска - Саса
Даниела Велеска - Деспина
Ивана Николова - Тиверија
Средина:
Александра Ристовска - Тиверија
Сара Велкова - Тиверија
Елма Шемсовиќ - Скопје 2014
Катерина Милеска - Деспина
Јана Чубриноска - Деспина
Рабија Дервиши - Саса
Напад:
Теодора Димоска - Тиверија
Ели Јаковска - Локомотив (Бугарија)
Кристина Мојсоска - Ас Јунајтед
Хава Мустафа - Шкендија
Улза Максути - Ас Јунајтед