Џејмс Мектиг, продуцентот на филмот „The Matrix Resurrections“, најновиот четврт дел на популарната сај фај франшиза започната во 1999 година, изјави дека моментално не се планира петто продолжение.
„Во моментот сме заинтересирани за овој филм кој веќе го гледавте. Сè уште не размислуваме за продолжение. Немаме планирано нова трилогија“, вели продуцентот.
Тој додаде дека крајот на четвртиот дел е отворен за интерпретација од страна на публиката и дека има простор за продолжение, но засега нема да работат на тоа.
Премиерата на филмот во САД беше на 22 декември оваа година и во кината и на HBO Max, точно по 18 години од премиерата на третиот дел. Се проценува дека буџетот на филмот беше скоро 200 милиони долари, а филмот досега заработи околу 70 милиони вкупно.