Споредувајќи ги фотографиите на небесните тела, група научници сфатиле дека за помалку од еден час исчезнале три небесни тела.
Во средината на XX век, поточно на 19 јули 1952 година, во опсерваторијата „Паломар“ во Сан Диего, група научници го проучувала ѕвезденото небо над нив. По тој повод и го фотографирале, за полесно да откријат различни небесни тела.
Кога ги прегледале истите тие фотографии, сфатиле дека на една направена во 20:52 часот се видливи три светли ѕвезди, но кога ја провериле истата област на фотографијата направена во 21:45 часот, немало ниту една. Исчезнале.
Ова многу ги збунило астрономите бидејќи е познато дека ѕвездите не исчезнуваат туку така. Познато е дека интензитетот на нивниот сјај може да се намали, или дека може да експлодираат, но да исчезнат без трага: такво нешто сè уште не е забележано.
Заинтригирани од овој случај, научниците теоретизирале за можното сценарио зад ова мистериозно исчезнување. Едно од објаснувањата било дека не се работи за три, туку за една ѕвезда која блескала силно, така што при минување на црна дупка и поради нејзините сили на гравитационата леќа обликот ѝ бил „искривен“, па се појавила на фотографиите како три, а не како еден објект.
Меѓутоа, како што научниците откривале слични настани во следните години, сфатиле дека нивната теорија нема смисла. Така, тогаш дошле до идеја дека можеби тие воопшто не биле ѕвезди.
Можеби станува збор за комети внатре во Ортовиот облак, кој се наоѓа на надворешната граница на Сончевиот Систем. Имено, голема е веројатноста дека кометите блескале посилно во моментот на фотографирање во 20:52 часот од непозната причина, но додека го продолжувале својот пат внатре во облакот тие повеќе не биле видливи на фотографиите.
Како и да е, веќе 71 година трае мистеријата за овие три небесни објекти, која веројатно тешко дека некогаш ќе биде разрешена.
