Премиерот на Црна Гора, Дритан Абазовиќ, им се извини на Мајките од Сребреница за, како што рече, нејасно изразената мисла.
„Простете ми, Мајки од Сребреница, за нејасно изразената мисла. Познато е дека секое дело зависи од неговата цел. Мојата цел е мир. Геноцидот извршен врз Бошњаците во Сребреница никогаш никому не треба да му се повтори“, напиша Абазовиќ на Twitter.
Да потсетиме, за време на говорот на комеморацијата на жртвите од геноцидот во Сребреница, Абазовиќ рече дека „геноцид не е извршен врз Бошњаците, туку врз луѓето“ и дека „не го извршиле војските, туку политичарите“.
Меморијалниот центар во Сребреница му порача на Абазовиќ дека „геноцид бил извршен врз Бошњаците бидејќи мотивот за убиството не бил ‘убивање луѓе’, туку убивање и уништување на еден народ“.