Премиерот на Ерменија, Никол Пашинјан, изјави дека е подготвен да го понуди сопствениот син во замена за ерменските заробеници во Азербејџан.
„Официјално му кажав на претседателот на Азербејџан, Илхам Алијев, дека му предлагам да го предадам мојот син во замена за сите ерменски заробеници“, соопшти Пашинјан и ги повика политичките ривали на претстојните избори да го направат истото.
Оваа изјава на Пашинјан е одговор на политичкиот ривал, поранешниот ерменски претседател Серж Саргсијан, кој ја критикуваше изјавата на премиерот во којашто порача дека „размената на заробеници може да почека еден месец или два“.
Синот на Пашинјан, Ашот Пашинјан на Facebook соопшти дека е подготвен да биде дел од размената на заробеници.
