Иако никој со сигурност не може да тврди дека е можно на време да се открие и спречи потенцијално неверство, сепак факт е дека постојат детали кои може да укажат на проблематично однесување на партнерот.
Експертот за врски Метју Хасеј истакнува дека постојат три типа личности склони кон неверство во љубовта.
1. Нарциси
Луѓето со нарцисоидно нарушување на личноста најчесто изневеруваат за да самите на себе си докажат колку се посакувани. Љубовта и вниманието од една личност не им се доволни бидејќи тоа не укажува на нивната супермоќ.
Нарцисите најчесто не се грижат за туѓите чувства, ќе ве манипулираат и вам ќе ја префрлат вината дури и во случај на неверство.
2. Несигурни луѓе
Секој од нас има одредени несигурности, но овде не станува збор за тоа туку за длабоко вкоренети комплекси кои го прават човекот несигурен во односот во кој е и затоа бара нова потпора од страна.
Тоа се луѓе кои постојано бараат потврда за љубов, дури и ако давате сè од себе вашата врска да се развива.
3. Егоисти
Ова е најопасниот тип кога станува збор за неверство. Овие луѓе немааt всадено вистински вредности и морални начела, па не се ни грижат дали ќе повредат некого.
Иако знаат дека нивното неверство негативно влијае на односот со партнерот, премногу се окупирани со сопственото задоволство за да се занимаваат со туѓите чувства.