Развојот на новиот тркачки „елфер“ базиран на актуелната серија 992 започна во 2019 година, а ќе дебитира на трката за издржливост 24 часа Дејтона, која ќе се одржи во јануари.
Во одделот на Porsche задолжен за тркачки автомобили, тие го открија новиот 911 GT3 R, чиј развој започна во 2019 година, а новиот тркачки „елфер“ се базира на актуелната серија 992.
Очекувано, многу е подобрено во однос на претходниот 911 GT3 R, а од Porsche велат дека со новата адаптивна суспензија, оптимизираната аеродинамика и новиот мотор, GT3 R сега е уште постабилен, податлив и помоќен, но тие исто така потенцираат дека тимовите ќе имаат помали трошоци за сервисирање на болидот во текот на сезоната.
Моторот го придвижува атмосферски боксер со 6 цилиндри, чија работна зафатнина е зголемена од четири на 4,2 литри, а максималната моќност на моторот е 565 коњски сили. Секвенцијален 6-брзински менувач е одговорен за дистрибуција на моќност/вртежен момент на задната оска.
Новата 911 GT3 R ќе го има своето тркачко деби во јануари на IMSA 24 часа Дејтона, а со новите прописи на FIA за Светскиот шампионат во издржливост (WEC), ќе има можност да се бори за парче слава и на следното издание на познатата трка Ле Ман 24 часа.
