Honor официјално го претстави својот нов смартфон наречен Honor 90 GT, за кој тврди дека е „флагшип убиец“.
Станува збор за мобилен телефон кој се напојува со минатогодишниот флагшип процесор Snapdragon 8 Gen 2 и е поврзан со до 24 GB RAM меморија.
Уредот доби 6,7-инчен AMOLED екран со резолуција од 1.200 x 2.664 пиксели, брзина на освежување од 120 Hz и 3.840 HT PWM затемнување. Сензорот за отпечатоци е интегриран во екранот, додека селфи камерата од 16 MP е поставена во исечокот.
На задната страна, има главна камера од 50 MP со сензор Sony IMX906 и оптичка стабилизација на сликата, а исто така има и ултра широка камера од 12 MP.
„Ѕвездата на шоуто“ е гореспоменатиот процесор Qualcomm Snapdragon 8 Gen 2, кој може да се спои со до 24 GB RAM, што е најмногу за еден Honor паметен телефон.
Основниот модел доаѓа со 12 GB RAM, додека „средниот“ има 16 GB RAM. Што се однесува до внатрешната меморија, достапни се верзии со 256 и 512 GB и 1 TB.
Honor 90 GT работи со MagicOS 7.2 базиран на Android 14 и се напојува од батерија од 5.000 mAh со поддршка за брзо полнење од 100 W.
Смартфонот е достапен во црна, сина и златна боја. Цената започнува од 365 долари за конфигурацијата од 12/256 GB и се зголемува до максимум 24 GB и 1 TB внатрешна меморија по цена од 520 долари.
Продажбата во Кина започнува на 26 декември.