Времето денеска ќе биде променливо облачно со сончеви периоди.
Ќе дува засилен, повремено силен ветер (над 60 км/час) од југоисточен правец, особено долж Повардарието.
Кон крајот на денот и во текот на ноќта ќе има врнежи од дожд, кои наместа ќе бидат поројни и проследени со ретки грмежи.
Минималната температура ќе биде во интервал од 3 до 8, а максималната ќе достигне од 15 до 20°C.
Во Скопје ќе биде променливо облачно со сончеви периоди. Ќе дува умерен до засилен ветер од југоисточен правец. Минималната температура ќе се спушти до 6, а максималната ќе достигне 18°C.
Во четврток претпладне ќе има врнежи од дожд, наместа поројни и проследени со ретки грмежи. Ќе дува засилен, повремено силен ветер од југозападен правец (над 60 км/час).
Во текот на денот облачноста ќе се намали и потоа следува период на сончево и топло време со пораст на температурата.
