Овогодинешната Недела на италијанскиот јазик ќе започне в понеденик, а низ книжарниците ќе има и промоција на книгите од италијански автори.
Италијанската амбасада во земјава денеска информираше дека од 18 октомври (понеделник) ќе се одржи традиционалната Недела на италијанскиот јазик.
Покрај прикажувањето на италијански филмови и предавања со онлајн вклучување на професори од Италија, годинава на задоволство на љубителите на пишаниот збор низ македонските книжарници ќе има промоција на достапните дела од италијански автори преведени на македонски јазик.
Како што информира Амбасадата, книжарници кои се вклучиле во акцијата се Култура, Матица, ТРИ, Академска Книга, Литература и Или Или.
Со секоја купена книга следува и подарок изненадување.
