Фармацевтската компанија Moderna создаде експериментална вакцина која би можела да помогне во борбата против ракот, пишува The Sun.
81-годишен старец со неизлечив карцином на кожа е првиот човек кој прими експериментална вакцина уште во октомври лани.
Неговиот идентитет не е објавен, но тој рече дека „се чувствува како да придонесува за нешто што може да им помогне на многу луѓе“.
Вметнатиот генетски материјал (РНК) ги имитира маркерите пронајдени на површината на клетките на ракот и го „учи“ телото да се бори со нив“ – исто како што е случајот со вакцините во пандемијата.
Д-р Дејвид Пинато и неговиот тим од Империал колеџ во Лондон тестираат сè за да видат дали вакцината е доволно безбедна за тригодишно глобално тестирање.
Тој се надева дека вакцината ќе може да ги лекува пред сè ракот на кожата и белите дробови, а потоа и другите цврсти тумори како што се цревните тумори и туморите на дојката.
„Истражувањето е во рана фаза. Но, се доближуваме до терапии кои се потенцијално помалку токсични и попрецизни“, изјави Пинато.
Д-р Кајл Холен од Moderna рече дека сите се возбудени поради првите резултати и дека се надева дека ова ќе воведе нова ера во лекувањето на ракот.
