Серијата The Penguin за смртниот непријател на Бетмен, Освалд Коблпот, познат како Пингвинот, го доби првиот постпродукциски тизер.
Колин Фарел, кој го играше Пингвинот во филмот The Batman од 2022 година, повторно ја игра улогата на ноторниот негативец. Во тизерот, тој почнува да ја раскажува приказната како се инспирирал од ноторен мафијашки бос кога бил дете, посакувајќи еден ден да ја има таа моќ и слава. Еден корисник на YouTube напиша „Сопранови со Готам шмек“ и тоа е точно атмосферата што ја пренесува тизерот.
Во моментов, точниот датум кога серијата ќе биде достапна за гледање на HBO Max сè уште не е познат, но потврдено е дека тоа ќе биде есенва.
Лорен Лефранк е на чело на многу очекуваната серија, а режисерот на The Batman, Мет Ривс, е извршен продуцент. Приказната за спин-оф серијата продолжува со Коблпот во главната улога, откако во филмот е претставен како главен поручник на Кармajн. Пингвинот го започнува својот подем за да стане еден од најозлогласените криминални господари во Готам.
Актерската екипа е многу импресивна, а покрај Фарел, кој во тизерот ветува дека ова ќе биде улога како ниедна досега, во серијата се појавуваат и Кармен Ејого и Мајкл Кели. Кристин Милиоти и Мајкл Зеген треба да ги играат Софија и Алберто Фалконе, децата на покојниот Кармајн Фалконе, чии амбиции и лојалност несомнено ќе играат клучна улога во драмата.
