Како што стануваме свесни за карактеристиките и симптомите, препознавањето на АДХД станува полесно, особено кај децата.
Нарушувањето наречено дефицит на внимание/хиперактивност (АДХД) е состојба која влијае на однесувањето на една личност, особено вниманието, хиперактивноста и импулсивноста. Иако АДХД порано стереотипно се поврзуваше со непослушни или немирни деца, сега знаеме дека состојбата е многу посложена.
„Пореметувањето на дефицит на внимание и хиперактивност, или АДХД, е невро-развојно нарушување кое влијае на вниманието на една личност. Лицето кое го има обично доживува тешкотии со вниманието, хиперактивноста и импулсивноста, иако е можно да се бори со симптоми од само една од овие категории“, изјави психологот Деб Томпсон за Mirror.
Моделите на АДХД не секогаш изгледаат исто кај секое дете, но „секое дете со АДХД веројатно ќе се соочи со уникатен сет на тешкотии“, објасни неврологот Џорџија Хронаки.
„На пример, едно дете може да има потешкотии да го задржи вниманието на час, додека друго може да има потешкотии да управува со емоциите“, вели тој.
АДХД може да ја оштети самодовербата и да предизвика депресија и анксиозност
Д-р Томпсон како најчести симптоми кои родителите можат да ги забележат ја издвојува неможноста да се седи мирно без нервозно движење, прекумерниот немир, непријатност за време на тишина, тешкотијата при вклучување во потивки активности, импулсивни реакции или правење работи без размислување за последиците. Друг знак е заборавеноста, како и ситуациите во кои детето губи предмети и тешко се сеќава на задачите.
„Замислете дека навистина сакате да се фокусирате на домашната задача, но вашиот мозок не ви дозволува. Замислете дека навистина сакате да седнете и да гледате ТВ програма, или да седнете и да јадете оброк, или да седнете и да се опуштите, но вашиот мозок не ви дозволува. Светот може да биде многу фрустрирачко место за младите луѓе со АДХД, особено ако не разбираат зошто нивниот мозок работи така. Поради ова, состојбата може да има негативен ефект врз вашето дете, да ја оштети самодовербата и да предизвика депресија и анксиозност“, вели д-р Томпсон.
Ако мислите дека некој од овие знаци влијае на вашето дете или сте загрижени дека покажува симптоми на АДХД, вреди да побарате стручна помош.